Forsiden          Publikasjoner          Om Støttekomiteen          Støtt oss          Kontakt oss          Bli medlem av Støttekomiteen     









Artikkelarkiv 2017
Artikkelarkiv 2016
Artikkelarkiv 2015
Artikkelarkiv 2014
Artikkelarkiv 2013
Artikkelarkiv 2012
Artikkelarkiv 2011
Artikkelarkiv 2010
Artikkelarkiv 2009
Artikkelarkiv 2008
Artikkelarkiv 2007
Artikkelarkiv 2000-2006




Vårt Land: Solidarisk ørkenmaraton
sahara_marathon_500.jpg

Sahara Marathon er løpet der nokre deltakarar spring seg vill i sandstormar. Andre må sporast opp av leiteaksjonar etter å ha mista traseen – og alle løparane må bu heime hjå ein flyktningfamilie. Vårt Land 26.02.2007
Publisert: 26.02 - 2007 19:33Printerversjon    
Av Bjørgulv Bjåen
Vårt Land, 26.02.2007

-Av alle maratonløp eg har delteke i, og det er mange, er Sahara Marathon utan tvil det mest særmerkte, seier milslukaren Magne Christiansen til Vårt Land.

-Kontrasten til utstyrs- og sponsormaset i til dømes New York Marathon er enorm, poengterer løparen som skulle stilt på startsstreken i Algerie i år også, men som må vere heime grunna eit dårleg kne.

I 2005 var Christiansen med i den første gruppa av nordmenn som deltok på solidaritetsløpet vest i Algerie, heilt på grensa til Vest-Sahara.

-Eg var den eldste som fullførte heilmaraton, fortel 66-åringen.
Årets løp blir arrangert i dag.

Siste koloni
Vest-Sahara er Afrikas siste, uløyste kolonispørsmål, seier FN. Medan Europa overlet Afrika til afrikanarane, byrja Marokkos konge å sysle med draumen om eit Stor-Marokko.

Samstundes som Spania trekte seg ut av kolonien Vest-Sahara i 1975, marsjerte kongens soldatar inn. Mange av innbyggjarane, saharawiane, flykta til nabolandet Algerie. Partane signerte ei våpenkvile i 1991, men framleis lever rundt 165.000 saharawiske flyktninger i Algerie, fullstendig avhengige av humanitær hjelp.

Bur hjå flyktningar
Sahara Marathon blir arrangert for å vise solidaritet med saharawiane og for å få internasjonal merksemd om deira levekår, seier maratonløparen Oddvar Røsten til Vårt Land. Han er norsk koordinator for løpet som blir arrangert for sjuande gong. Sjølv detek han for tredje gong.

-I år kan ein velje mellom ultra som er 160 kilometer langt, heilmaraton, halvmaraton, 10 kilometer eller 5 kilometer ”walk and celebration”, fortel Røsten.

Magne Christiansen fullførte i 2005 ein heilmaraton han aldri vil gløyme.

-Eg kom ut for ein sandstorm, rota meg vekk og trudde aldri eg skulle kome meg til mål. Heldigvis fann eg att løypa etter ein halvtime. Men fem andreløparar forsvann og blei først funne etter tre timars leiting.

Deltakarane i Sahara Marathon kjem frå heile verda og blir innlosjerte hjå flyktningfamiliar, fem og fem ut frå kva språk dei kan, engelsk tysk eller spansk, men alle grupper får tolk.

-Eg bodde hjå ein hyggjeleg familie som serverte søt te til langt på natt, fortel Christiansen.

Under førebuingane til Sahara Marathon var han berre interessert i sjølve løpet. Men etter ei veke i flyktningleirane i Algerie, blei konkurransen mindre viktig.

-No er eg engasjert i lagnaden til saharawiene og har meldt meg inn i ein solidaritetsforening for Vest-Sahara.

Hjelpearbeid
Løpstraseane går i lende som er ukjent for mange maratonløparar: Gjennom tre flyktningleirar som alle ligg i den delen av Algerie som ligg i Sahara.

Starten går i leiren El Aayoun, passerer gjennom Auserd og endar i Smara.

-Dei første 21 kilometrane går i slakt terreng der grunnen er hard nok til godt fotfeste. Men ut frå leiren Auserd skiftar underlaget til lausare sand, som er langt meir krevjande, fortel Oddvar Røsten.
Alle som stiller til start i Sahara Marathon, må betale rundt 1.500 kroner i startkontingent. Pluss reisekostnader –som fort blir høge.

Støtter barneidrett
-For leiraene med flyktningane frå Vest-Sahara ligg litt utanfor alfarveg, opplyser Røsten, som i år følgjer eit charteropplegg frå Europa.

Startkontingenten får til arbeidet med barneidrett i flyktningleirane, og noko går til familiane som husar løparar.

-I år har Sahara Marathon Project som mål å bygge et sportssenter for barn og ungdom i ein av flyktningleirarne, sier Røsten, og legg til:

-Idrett er viktig medan ein ventar på å få vende heim.

I leirane i Algerie har dei gløymde saharawiane venta lenge. Sidan 1975.

    




NO  NO EN ES FR

Størstedelen av landet Vest-Sahara har vært okkupert av Marokko siden 1975. Siden da har flertallet av befolkningen bodd i flyktningleirer i Algerie. De som ble igjen i hjemlandet utsettes for alvorlige overgrep fra marokkanske okkupasjonsmyndigheter. I over 40 år har de ventet på at deres rett til selvbestemmelse skal innfris.




Registrer deg for vårt nyhetsbrev:




Støttekomiteen for Vest-Sahara, , - :
Bank: Kontonr 9857.05.48999 - Org.nr: 987 378 352 -