Fridom for saharawiane!
Article image
Landsstyret i Norsk Målungdom ynskjer å stø saharawiane i kampen for nasjonal sjølvråderett og fridom frå okkupasjon. Folket i Vest-Sahra lever i dag i konstant frykt for vald frå dei marokanske styresmaktene. Les fråsegn vedteke av Norsk Målungdom sitt landsstyremøte, 9. september 2007 her.
Publisert 18. september 2007


Vedteke av Norsk Målungdom, 9. sept 2007.

Dei språklege og kulturelle rettane til saharawiene vert dagleg brotne, og det er innført pressesensur på saharawisk media. I tillegg er historieforfalskingar i marokkanske lærebøker og politisering av moskeer og skular med på å forteia og fortrengja saharawisk historie og kultur. Landsstyret i Norsk Målungdom krev at den retten saharawiane har til sjølvråderett og sjølvstende vert respektert, og at den kulturelle identiteten deira vert verna om.

Saharawiene snakkar den arabiske dialekten hassanya, som skil seg vesentleg frå den marokkanske formen for arabisk. Det vert ikkje undervist på hassanya i skulane, og elevar som snakkar hassanya i klassen vert trakasserte. Mange saharawiar har frå barneskulen og oppover vore tvungne til å avstå frå å snakka språket sitt, og dei har skjult den etniske bakgrunnen deira for å unngå å verta diskriminerte av styresmaktene.

Størstedelen av landet Vest-Sahara har vore okkupert av Marokko sidan 1975. FN krev at Vest-Sahara skal verta avkolonisert, og handsamar det som det siste uløste kolonispørsmålet i Afrika. Dei siste åra har saharawiene vorte i mindretal i sitt eige land. Store delar av det saharawiske folket lever i eksil, og dei har oppretta ein republikk med ein demokratisk valt regjering som held til i Algerie. Denne republikken har hittil vorte godteke av meir enn 90 statar i verda.

Saharawiane som bur i dei okkuperte områda av Vest-Sahara er ofre for daglege overgrep frå marokkanske styresmakter, og dei vert diskriminerte av ulovlege busetjarar. Særleg gjeld dette politisk aktive studentar og ungdomar i byane i Vest-Sahara, og på lærestader i Marokko.

I mai i år vart fleire universitetsområde i Marokko storma av politiet. Saharawiske studentar vart plukka ut på bakgrunn av språket dei snakka, og anten banka opp på staden, eller pågrepe. Fleire saharawiske studentar har sidan mai vorte utviste frå lærestadene sine. Fleire har vorte dømt til opp til 8 års fengsel etter å ha teke del i fredelege demonstrasjonar for sjølvråderett for saharawiane.

Landsstyret i Norsk Målungdom appellerer til den norske regjeringa om å taka opp jamnleg kontakt med marokkanske styresmakter om situasjonen til det saharawiske folket, slik at rettane dei har til eige språk og kultur vert sikra. Regjeringa må bidra til å styrkja forhandlingsposisjonen til saharawiane overfor Marokko ved å godkjenna den Saharawiske Arabiske Demokratiske Republikk.

Skal gå til:
• Statsminister Jens Stoltenberg
• Utanriksdepartementet
• Aftenposten

(Foto: www.berserk-productions.no)
Nyheter

Ungdomspartiene besøkte de saharawiske flyktningleirene

Ungdomspartiene besøkte denne uken de saharawiske flyktningleirene i Algerie.

04. februar 2024

Marokko blir president i FNs Menneskerettighetsråd

I dag ble Marokko valgt til å lede FNs Menneskerettighetsråd. Det skaper kraftige reaksjoner. 

10. januar 2024

Marokko til valg som president av FNs Menneskerettighetsråd

“Tilliten til FN-systemet står på spill”, sier Støttekomiteen om denne ukens valg av nytt presidentskap i Menneskerettighetsrådet. Norske organisasjoner er kritiske til kandidaturet. 

08. januar 2024

Oljefondet svartelister israelsk selskap i okkuperte Vest-Sahara

Oljefondet offentliggjorde i går at de har kastet ut israelske Delek Group fra sine porteføljer på grunn av oljeleting i okkuperte Vest-Sahara.

19. desember 2023